Parks dili katunga sa PBA Draft

CEBU, Philippines — Karong Domingo na ipahigayon ang tinuig nga PBA Rookie Draft, apan si Ray Parks Jr. nga  gitan-aw nga lig-ong   kandidato alang sa No. 1 pick,  wala pa'y  seguro  kun  makatambong  ba didto sa Robinsons Galleria sa Manila.

Kini tungod kay ang drafting natunong sa duwa sa Alab Pilipinas batok CLS Knights sa ABL didto sa Indonesia.

"That's tough. My name is on the draft, for sure. Let's see how that goes. I know we do have  a  game next week. It's my coach's and my team owner's decision where I'll be next Sunday," matud pa  ni  Parks sa ESPN5.

Sa kasaysayan sa PBA, kanunay gyud nga anaa sa binyu sa drafting ang mapiling top pick, apan posible pa nga i-anunsiyo ang pangalan ni Parks nga wala siya.

Ang Columbian Dyip ang adunay katungod nga mokuha sa No. 1 pick, apan giatngan pa kun ila ba gyud nga birahon si Parks.

Gawas sa kanhi NBA D-League cager, laing mga gitan-aw nga top picks mao ang NCAA standouts nga sila si CJ Perez ug Robert Bolick.

Adunay 48 ka mga aplikante sa umaabot nga  draft lakip na niini ang Cebuano ug point guard sa University of the Philippines nga si Paul Desiderio.