Parks wala pa'y klaro sa PBA draft

CEBU, Philippines – Naglibog karon si kanhi NBA D-League cager Ray Parks Jr.  kun  iya ba nga tumanon ang iyang plano pagsalmot sa tinuig nga PBA Rookie Draft nga gikatakda sa hinapos nga bahin ning tuiga.

Matud ni Parks nga  daghan nang PBA teams ang interesadong   mokuha sa iyang serbisyo, apan gusto pa siya nga motabang sa Alab Pilipinas nga modepensa sa ilang titulo sa Asean Basketball League.

Ang 6-foot-5 nga si Parks  gitan-aw nga mga top picks sa nagsingabot nga Rookie Draft uban sa mga collegiate standouts nga sila si CJ Perez ug Robert Bolick.

Si Parks posible usab nga mosunod sa gibuhat ni San Miguel Beermen No. 1 pick Christian Standhardinger nga nagpa-draft sa PBA, apan wala dayon kini moduwa sa liga kay iya pa nga gitiwas ang  season sa ABL.