Ancajas walay problema sa timbang

Gipasalig sa kampo ni IBF junior bantamweight champion Jerwin Ancajas nga makuha niya ang timbang sa dili pa ang title defense niini batok ni Alejandro Barrios sa Mexico karong Domingo.

Si Joven Jimenez, ang trainer ni Ancajas nagkanayon nga wala maglisud og kuha sa timbang ang iyang boksidor ug makahimo pa kini pagkaon og sakto samtang nagpaubos sa timbang.

Mbala gusto moduwa sa PBA

Ang kanhi import sa CESAFI ug sa UAAP nga si Ben Mbala mipadayag nga mobalik siya sa Pilipinas ug moduwa sa PBA.

Ang Cameroonian nga si Mbala nga misugod sa iyang basketball career dinhi sa Sugbo, nanghinaut nga mahatagan siya og kahigayonan nga moduwa og balik sa nasud ning higayona isip PBA import.

Joshua mipasidaan sa challengers

Mipasidaan si WBA, IBF ug WBO heavyweight champion Anthony Joshua ngadto sa mga nagsige og panghagit kaniya nga hunahunaon pagmaayo kun gusto ba gyud nila nga makigsangka kaniya. Ang maong mensahe gipaigo ni Joshua ngadto sa duha ka heavyweight contenders nga sila si Deontay Wilder ug Tyson Fury nga pulos nagtinguhang makigsinukmagay kaniya ibabaw sa ring. https://ssl.gstatic.com/ui/v1/icons/mail/images/cleardot.gif