Abellar sa the freeman naghari sa Cebu Press Freedom Run 2018

CEBU, Philippines — Ang pambato sa The Freeman nga si Artemio Abellar ug Rosa Maria Paquera sa Sunstar maoy nidominar sa tagsa-tagsa nila ka dibisyon sa Cebu Press Freedom Run kagahapon didto sa Cebu Holdings Center building sa Cebu Business Park.

Si Abellar naghari sa 5K men's division human niya gitapos ang lumba sud lang sa  25 minutos ug 15 segundos. Nagsunod niya si Hendrei Caballero sa Sunstar sa oras nga 26:05 ug ikatulo si Rodrigo Saducas nga mioras og 26:10.

Sa iyang bahin, si Paquera mao sab ang gikoronahan sa women's class. Iyang gitapos ang lumba sa oras nga 25:30.  

Miangkon sa ikaduha nga luna mao si Flora Mata sa The Freeman  sa oras nga 28:06.

Sa 3K division, laing The Freeman runner nga si Julius Pañero ug si Demi Jane Hernani sa GMA-7 maoy nanghawod sa tagsa-tagsa nila ka dibisyon. Si Panerio mitapos sa lumba sa oras nga 15:39, gisundan nila ni Edward Eliot   sa Cebu Daily News (16.03) ug Robert Aniñon sa SSD (17.01).

Ang top three finishers sa women's class mao sila si Hernani (22:15), Cherrie Mae Uy (26:07) ug Gloreitta Lariosa (27:50) sa The Freeman.