Zubiri moluwat sa katungdanan kon di matuman iyang saad
CEBU, Philippines – Gipadayag ni Philippine Eskrima Kali Arnis Federation (PEKAF) president Senator Juan Miguel Zubiri ang iyang kaseryoso nga matuman ang saad niya nga 15 gold medals gikan sa arnis alang sa Philippine team sa 2019 Southeast Asian (SEA) Games nga ipahigayon didto sa New Clark City sa Capas, Tarlac.
Si Zubiri andam moluwat sa iyang katungdanan isip PEKAF president kon dili matuman ang iyang misyon.
"We really have a good chance in getting at least 15 gold medals that is why I'm going to do everything to provide the athletes the proper conditioning and training in preparation for the SEA Games," matud pa ni Zubiri atol sa PEKAF meeting niadtong Huwebes sa gabii didto sa Waterfront Cebu City Hotel and Casino.
Si Zubiri nagkanayon nga hatagan nila og saktong training ug conditioning ang mga sakop sa Philippine arnis pool gawas nga magdawatan og allowance.
Miingon si Zubiri nga todo suporta kanila ang Philippine Olympic Committee ug Philippine Sports Commission nga misalig sa ilang abilidad nga makahakot og medalya sa sunod SEA Games.
Mopahigayon usab ang PEKAF og usa ka Asian Invitational Championship sa sayong bahin sunod tuig nga magsilbe nga tune-up tournament sa mga Pinoy arnisadors.
- Latest