Sweep tuyo sa Beermen
CEBU, Philippines — Laraw sa defending champion San Miguel Beermen nga haruson ang Alaska Aces sa ilang 'best-of-five' semifinals series batok sa PBA Commissioner's Cup karong gabii didto sa Smart Araneta Coliseum.
Ang Beermen aduna na'y 2-0 nga bentaha sa series human nila gilubong ang Aces, 105-94 sa Game 2 niadtong Lunes.
Si San Miguel coach Leo Austria nagkanayon nga mas maayo alang kanila kun ilang maharos ang Aces aron sayo sila nga makapahuway samtang magpaabot sa ilang kontra sa finals.
Ang leading best import candidate nga si Renaldo Balkman nga mo-average og 30 puntos sa semifinals mao na sab ang sandigan sa San Miguel.
Dili lang usa o duha, apan tulo ka bigmen sa San Miguel ang labad sa ulo sa Alaska tungod sa presensiya ni MVP JuneMar Fajardo ug Fil-German Christian Standhardinger, kinsa misugod na og pagpakita sa maayo niyang labok.
- Latest