CEBU, Philippines — Ang kagamhanan sa dakbayan sa Sugbo migahin og P244,000 alang sa labing unang Dragon Boat Festival nga gikatakda karong Hunyo 16-17 diha sa Il Corso sa South Road Properties.
Si konsehal Jerry L. Guardo maoy pormal nga milusad sa maong event kagahapon sa Quest Hotel.
Mga kategoriya nga tigian mao ang men's, women's ug mixed ubos sa 300-meter small boat event.
Ang nag-unang tulo ka mananaog matag kategoriya makadawat og P20,000, P15,000 ug P10,000 nga ganting salapi.
Ang entry fee nagkantidad og P500 apil na ang souvenir shirt ug opening dinner. Kadtong mga interesado mahimong mobisita sa Cebu Dragon Boat Facebook page o mokontak ni Naty Oson sa 0908-7186427. (BANAT NEWS)