Barangay Ginebra mikuha’g bag-ong import
CEBU, Philippines – Usa ka semana sa dili pa ang PBA Commissioner’s Cup, ang Barangay Ginebra Kings mipapauli sa una nilang import nga si Shane Edwards ug mikuha ni 7-footer nga si Charles Garcia.
Ang veteran import nga si Edwards nakasalmot na sa ensayo sa Ginebra ug nakaduwa na usab og pipila ka mga tune-up games, apan wala siya mahatagi og kahigayonan sa Ginebra nga moduwa tungod kay mas gusto sa mga coaching staff ang usa ka taas nga sentro.
Ang Ginebra wala unta manginahanglan og 7-footer import, apan sa pagka-injured sa Sugboanong higante nga si Greg Slaughter nausab ang unang plano ni coach Tim Cone.
Si Garcia usa ka NBA Developmental League All-Star ug miserbisyo na usab isip import didto sa Bahrain, Iceland ug Puerto Rico.
Ang Ginebra mohimo sa ilang conference opener karong Abril 29 batok sa Rain or Shine Elasto Painters.
- Latest