Sixers, Mavericks moduwa pre-season games sa China
CEBU, Philippines – Pormal nga gipahibawo sa NBA kagahapon nga ang Philadelphia 76ers nga gibitoonan nilang Joel Embiid ug Ben Simmons makigsangka batok sa Dallas Mavericks nga gipangulohan ni Dirk Nowitzki sa duha ka pre-season games didto sa China.
Ang 2018 NBA China Games karong Oktubre 5 didto sa Shanghai ug Oktubre 8 didto sa Shenzhen maoy ika-25 ug ika-26 nga duwa sa liga sa maong dapit, apan labing unang higayon sa Sixers ug Mavs.
“These games will not only bring the excitement of NBA action directly to our passionate Chinese fans, but also provide our teams and players an opportunity to experience the rich culture and history of the country,” matud pa ni NBA commissioner Adam Silver.
Kun magtige na ang Sixers ug Mavs, moabot na ngadto sa 17 ka NBA teams ang nakapakita’g aksiyon didto sa China.
Si Simmons nga kandidato pagka-NBA ‘Rookie of the Year’, dunay average nga 15.8 points, 8.1 rebounds ug 8.2 assists matag duwa, samtang si Embiid mitapik og 22.9 points ug 11 rebounds uban sa Sixers karon nga season
Ilang banggaon si Nowitzki, usa ka 13-time NBA All-Star nga maoy 2011 NBA Finals Most Valuable Player. Mi-average siya og 12.0 points, 5.7 rebounds ug 1.6 assists alang sa Mavs karon nga season.
- Latest
