Beermen andam na mag-Party
Lemuel P. Maglinte (Banat) - April 6, 2018 - 12:00am

CEBU, Philippines — Dili na manumbaling si San Miguel Beermen star forward Arwind Santos sa mga istorya sa iyang kritiko ug mideklarar na siya daan og kadaogan bisan pa og magduwa pa sila sa Magnolia Hotshots sa Game 5 sa ilang ‘best-of-seven’ PBA Philippine Cup finals series karong gabii didto sa Mall of Asia Arena.

Nag-awas ang kompiyansa ni Santos nga hingpit na nilang matapos ang Magnolia karon human ang ilang 84-80 nga daog niadtong Miyerkules diin nila nakuha ang 3-1 nga bentaha.

“Gusto na namin mag-celebrate,” matud pa ni Santos sa PBA.com. “Gusto na naming magpuyat. Ang tagal na naming di nakakatikim ng alcohol.  Sa Friday, pipilitin namin ibigay ang lahat para matapos na.”

Gikuhaan og basi ni Santos mao ang tulo ka sunod-sunod nilang daog sukad nga napilde sila sa Magnolia sa Game 1. Nagtuo si Santos   nga lig-on ang ilang koponan itandi sa Magnolia.

Gawas niya ug sa bag-ong gikoronahan nga Best Player of the Conference nga si JuneMar Fajardo, ang San Miguel gibidahan usab sa mga gunners nga sila si Marcio Lassiter, Alex Cabagnot ug Chris Ross. 

Kun mahitabo ang panglantaw ni Santos, ang San Miguel mamahimong ikaduhang koponan sa kasaysayan sa liga nga modaog og upat ka sunod-sunod nga All-Filipino Cup title sunod sa Crispa Redmanizers. 

ARWIND SANTOS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with