Cebuano triathletes nanghawod sa Ironkids
CEBU, Philippines — Mipakita sa ilang talagsaong katakus ang mga batan-ong Cebuano triathletes aron manghawod sa 2018 Alaska Ironkids kagahapon didto sa Davao City.
Nangulo sa kadaogan sa mga Sugboanon ang taga-Talisay City nga si Moira Erediano nga misakmit sa titulo sa girls 13-14 age group sa oras nga 43:30, usa ka segundo nga abante ni Mareille Estreba sa Omega Tri. Si Nicole Marie Del Rosario maoy ikatulo sa oras nga 45:36.
Ang teammate ni Erediano nga si Earol Belonquil maoy nag-una sa oras nga 32:59, gisundan nila ni Matthew Justine Hermosa (33:06) ug Dave Zachary (38:21).
Laing misakmit og bulawan mao sila si Carron Canas (boys 9-10) ug Al Dustin Bersabal (boys 6-8). Si Rhexiel Belonquil miangkon sa silver sa 6-8 girls class, samtang si Mylene Galo ikaduha sa 9-10 girls.
Human sa Cebuano kids, ang pro na sab ang mopakita sa ilang abilidad nga pangulohan nila ni Jorry Ycong ug Banjo Norte sa Omega Tri Team.
- Latest