Ruiz, Butad labing paspas sa Consolacion Duathlon
CEBU, Philippines — Milampos si Lucille Ruiz pagdepensa sa iyang women's title, samtang si Jimboy Butad ang nag-una sa men's class sa 2nd Consolacion Mountainbike Duathlon Challenge kagahapon didto sa SM City Consolacion.
Si Ruiz labing unang milabang sa finish line sa mga babaye sa oras nga 2:25:22 gisundan ni Hannah Bunn (2:46:17), samtang ang anak ni Ruiz nga si Pamella maoy third placer sa oras nga 3:05:17.
Sa iyang bahin, si Butad midominar sa men's sa oras nga 1:39:35 batok nila ni Sulpicio Ombay’ (1:40:31) ug Metchel Pilapil (1:41:40.98) sa ikaduha ug ikatulong dapit.
Sa age-group, si Marl Adrian Baguio maoy midaog sa 19-24 class sa oras nga 1:43:29 gisundan ni Chobie Duenas sa oras nga 1:45:29. Si Glee Marie Largo maoy kampiyon sa 25-29 division sa oras nga 2:49:40, samtang sila si Julianne Villaflor ug Merriam Calda maoy reyna sa 30-34 ug 40-44 divisions.
Mokumpleto sa lista sa mga mananaug mao sila si Christopher Ceniza (15-18), Jeremie Hermosilla (25-29), Jheo-p-Poy Juson (30-34), Minaro Poloyskie(35-39), Ervin Gadapan (40-44), Martin Cacanog (45-49), Michael Lauron(50-above) ug Brian Brigoli sa fat bike division.
Ang tandem nila ni Rhyke Armas ug Jonel Emia naghari sa relay event sa oras nga 1:36:04.80. (BANAT NEWS)
- Latest