Fajardo andam sa mas bug-at nga tahas
CEBU, Philippines - Andam na ang Sugbuanong sentro nga si June Mar Fajardo nga mopas-an sa dakong papel sa iyang pagduwa uban sa Gilas Pilipinas sa FIBA Asia Cup sugod sa Agosto 8 didto sa Lebanon.
Gikan sa usa ka back-up center sa nangaging mga duwa, si Fajardo kalit karon nahimo nga maoy saligan nga bigman ilabi na nga wala ang naturalized player nga si Andray Blatche.
“Syempre mahirap kasi mahirap i-fill yung sapatos ni Andray. Siya ang go-to guy natin sa Gilas,” matud pa ni Fajardo sa Spin.ph.
“Pero tingin ko kaya naman basta meron kaming teamwork at tiwala sa sarili, sa isa’t-isa, at kay coach Chot (Reyes).”
Ang three-time PBA MVP mao usab ang gitan-aw nga usa sa mga lider sa koponan uban nila ni Jayson Castro ug Gabe Norwood nga mao na lang ang tulo sa mga orihinal nga sakop sa Gilas nga miduwa sa FIBA World Cup niadtong tuig 2014. (BANAT NEWS)
- Latest
