3rd Summer Fun Run karong Domingo
CEBU, Philippines - Kapin sa 1,000 ka mga runners ang managan sa kadalanan sa pagsikad sa 3rd Summer Fun Run: A Family Run karong Domingo diha sa Terraces sa Ayala Center-Cebu.
Gipasiugdahan sa Coco Running Team ug Kinetic Run uban sa suporta sa Pocari Sweat, ang lumba magsilbe nga usa ka fund raising project alang sa mga kabus. Ang matigom nga salapi gamiton alang sa feeding program sa mga kabus didto sa Barangay Pardo.
Ang lumba gibahin sa tulo ka kategoriya -- 3K, 5K ug 10K.
“We want this run to serve as an event that will strengthen the bond of family members through physical fitness,” matud pa ni Kenneth Casquejo. “Aside from that, the runners get also a chance to give help to the less fortunate.”
Isip pagpakita sa ilang suporta sa Cebu City Sports Commission’s grassroots program, ang mga organizers mohatag usab og libreng slots sa mga batan-ong runners nga gibansay nila ni marathon queen Mary Joy Tabal ug long-time coach Philip Duenas.
Mga ganting salapi, medalya ug lootbags ang nagpaabot sa mga mananaug.
Ang registration fee nagkantidad og P300 sa 3K, P250 sa 5K ug P400 sa 10K, libre na niini ang singlets, race bib, snacks ug raffle human sa lumba. Niadtong gusto moparehistro, tawag lang ni Joel Juarez sa 0933 306 6088. (BANAT NEWS)
- Latest