Cavs miihaw sa Wolves
Emmanuel B. Villaruel (Banat) - February 16, 2017 - 12:00am

CEBU, Philippines - Midaog gihapon ang Cleveland Cavaliers  bisan pa og wala si Kevin Love sa ilang duwa batok sa Minnesota Timberwolves,  116-108 sa National Basketball Association kagahapon didto sa  Target Center sa Minneapolis, Minnesota.

Si Love gipaubos sa operasyon sa injury sa iyang tuhod ug dili kini makaduwa sud sa unom ka semana.  Si Love dunay average nga 20 puntos ug 11 ka rebounds matag duwa.

Sila si LeBron James ug Kyrie Irving mikadlit og 25 puntos matag usa alang sa Cleveland Cavaliers nga nakasugakod sa nagbagang opensa ni Andrew Wiggins aron pagpakaging sa  Timberwolves.

Ang Canadian nga si Wiggins mipabuhagay og 41 puntos, apan wala kini nahimo gumikan kay ang Wolves nasugamak na sab batok sa Cavs sa ikaduha nilang panag-abot sud lamang sa duha ka semana. Niadtong Pebrero 2, ang Cavs miihaw sab sa Wolves, 125-97.

Si James mipasa sab og 14 ka assists alang sa Cavs nga miselyado sa ika-38 nilang daog karon nga season human sa fast break lay-up ni Derrick Williams sa nahabilin nga 1:39 sa duwa.

Si Wiggins nga mibubo og 19 puntos sa ikatulong kuwarter, giabagan ni Karl-Anthony Towns nga mitali og 26 puntos ug pito ka rebounds. Si Gorgui Dieng adunay 12 puntos, apan wala na’y lain pang player nga naka-double figures sa Wolves.

Kay wala si Love, miwadwad og maayo si Channing Frye aron pagtapos niini og 21 puntos, samtang si Tristan Thompson miamot og 14 puntos ug 11 ka rebounds sa Cavs.

Sa laing aksiyon, ang Chicago Bulls misungag sa Toronto Raptors sa iskor nga 105-94, samtang ang Sacramento Kings nakaipsot batok sa Los Angeles Lakers, 97-96. (BANAT NEWS)

CLEVELAND CAVALIERS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with