CEBU, Philippines – Moabot ngadto sa 150 ka mga koponan ang magtigi sa ikaunom nga edisyon sa Sinulog Football Festival nga mosikad karon diha sa Don Bosco Technology Center (DBTC) field sa Punta Princesa.
Daghan pa untang koponan nga gustong mosalmot, apan ang Cebu Football Association (CFA) milimita tungod usab kay duha ra ka adlaw ang maong torneyo.
Ang torneyo gilangkuban sa nagkadaiyang age-brackets uban sa men’s ug ladies open. Tungod sa kadaghan sa mga koponan, ang organizers ug coaches nagkasinabot nga inaog gikan sa 20 minutos ngadto sa 15 minutos ang matag duwa.