Nabugto sa ika-25

Mao unta'y ambisyon sa reigning NBA champion nga Golden State Warriors pinangulohan sa MVP nga si Stephen Curry nga apason ang 33-game winning streak sa 1971-1972 nga Los Angeles Lakers nilang Wilt Chamberlian, Jerry West, Eltgin Baylor, Gail Goodrich ug Pat Riley.

Dili nato malalis nga usa ang Warriors sa labing maayong NBA team sa kasaysayan ug kung kanus-a sila mapilde, wala gyu'y bisan usa kanato ang nasayud.

Apan sa gusto sa Warriors o dili, mapilde lang gihapon sila sa kadugayan---kun dili karon mahimong ugma, sa sunod adlaw, sunod semana o di ba hinoon, sa sunod buwan.

Ilabi na gyud kung maoy atong himoa'g sukaranan kining gitawag og "Murphy's Law". Dunay nagkadaiyang paghubad niining Murphy's Law sa dictionary ug kini maoy akong napilian nga nagkanayon “If something can go wrong, it will and usually at the worst time.”

Pinasikad kini sa usa ka makapahimuot nga panultihon nga "If it is possible for something to go wrong then it will go wrong.

Mao kini ang akong gihimong basihan nganong sa dili madugay mapilde dyud ang Warriors. Dili kini tungod kay wala akoy gusto sa Warriors apan usa kini ka kamatuoran.

Nahitabo na gyud kini kagahapon dihang nabugto ang 24-0 nga best start of the season sa Warriors ug sumala pa sa "anything" can go wrong sa Murphy's Law, nabihag sila sa Milwaukee Bucks, 95-108.

Wala gyud kini damha sa Warriors nga ang mopilde kanila dili sa sa labing lig-on nga team kung itandi sa San Antonio ug sa Oklahoma City. Ang kadtong duwa nga gilubong sila sa L.A. Clippers ug 23 puntos apan midaog lang gihapon ug kadtong duwa nga diriyot sila mapilde sa Brooklyn sa overtime, maoy tilimad-on nga dili madugay, ila nang matilawan ang pilde ug motugpa na sila'g balik sa yuta.

Sa ako bayang tan-aw, dili lang kay si Curry maoy daw migawas ang hambug apan hasta sab ang iyang mga supporters dinhi sa Sugbo nga kung maka-post, mura'g kumpare silang Curry. Hinaut unta nagsige og kapilde kining Warriors aron mohunong na sad og pagarpar kining mga kuratan sa basketball.

Wala sa akong listahan ang Bucks nga maoy unang mobaraw sa Warriors tungod kay akong gihimadlan nga labing menos upat ka teams sa Eastern Conference ang mopukan sa Warriors nga mao ang  Chicago, Miami, Cleveland ug Atlanta ug sa West mao ang San Antonio, Oklahoma o di ba ang L.A. Clippers.

Ako hinoong natag-anan nga kun ugaling mapilde man ang Warriors ning semanaha, adto kini mahitabo sa ilang road trip sa East. Wala lang mogawas dayon kining SPORTSgab nga akong gisuwat niadto pang Disyembre 6 tungod kay usahay usa lang ka pahina ang BANAT Sports ug dili ako usa ka tawo nga mamugos og pagawas gawas lang kung kini usa ka balita sa sports.

Dili imposibleng mahimo sa Warriors ang 33-game streak tungod kay nahimo kini ug ang buot ipasabot nga duna gyu'y team nga posibleng mosubli o molabaw pa niini.

Ang lisud gyud nakon'g tuhoan mao ang gisulti sa akong anak nga si Matt kinsa maestro sa Sacred Heart  School-Ateneo de Cebu, nga 82-0 kay alang kanako, dako na sab kanang tinonto.

Posible mahimo o maapas ang 72-10 win-loss record sa Chicago Bulls nilang Michael Jordan ug Scottie Pippen niadtong 1996 season nga maoy kataposan ug ika-unom nga kampiyonato sa Bulls apan dili ang 82-0.

Dili na mahitabo ang 33-game win streak ug ang posible na lang mao ang 72-10.

MISCELLANEOUS. Congrats to the LET board passers including Matt. Belated birthday greetings to my wife Gingging last Saturday, December 12. Also congrats to my sister Gigi M. Quindao whose dance team won the first prize of the Couples for Christ contest in Albuera, Leyte last December 5. Kudos to the leaders Brod Bong and Nelbeth Hisona for the win. Good job.