CEBU, Philippines - Mag-abot na sab ang mga tadhan nga scabble players sa Sugbo diin ipakita nila ang ilang abilidad sa 2nd Roger Abella Memorial Open Scrabble Tournament karong adlawa diha sa Robinson’s Fuente.
Nag-una sa listahan sa lig-ong mga entrante mao si Renante de la Cerna, nga nagpanikad nang modepensa sa iyang titulo sa men’s pro-college division.
Si Dart Eslao, ang kampiyon sa University of the Visayas Challenge ug ang iyang anak nga si Johnspeed, gold medalist sa National Milo Little Olympics, mosalmot usab ingon man silang Viccel Libradilla, Jowar Ayuno ug Boboy Toroy.
Kapin sa 100 ka players gikan sa nagkadaiyang tunghaan ang moapil sa maong usa ka adlaw nga torneyo nga gipahinungod ni anhing Roger Abella inabagan sa Cebu City Sports Commission ug DepEd-Cebu City. Mga kategoriya nga banatan mao ang professional-college, high school ug elementary.