NABC 4th week: 5 teams walay pilde
Gabby G. Malagar (Banat) - November 22, 2015 - 9:00am

CEBU, Philippines – Lima na lang ka teams ang wala gihapon makatilaw og pilde sa ika-upat nga semana sa nagpadayon nga University of San Carlos (USC) NABC SULOG CUP basketball tournament didto sa USC North Campus gym sa dan General Maxilom avenue, ning dakbayan.

Ang wala pay pilde mao ang 1985 Legends nilang Lou Regidor ug Virgil Pua kinsa aduna nay 4-0 nga baraha sa Division 1 samtang ang 1992 Little Rascals ug ang 1993 Dragons parehong adunay 3-0 nga baraha sa mao gihapong dibisyon.

Ang 200 Millenium mao na lang ang team sa Division 2 nga walay pilde sa ilang 3-0 nga baraha ug temporaryong naghupot sa liderato ang 1994 Bulldogs ug 1999ers kinsa parehong nagbaton og 4-1 nga baraha.

Sa Division 3, bugtong ang 2008 Fly Boys adunay 2-0 nga baraha ug maoy bugtong team sa ilang dibisyon nga hapay pa gihapon og record kung itandi sa 2007 Dos Mil Siete nga aduna nay usa ka pilde sulod sa lima nila ka duwa.

Kaniadtong Biyernes midaog ang 1998 Sipat batok sa NC Faculty, 86-76 sa Division 2 samtang midaog ang 2006 Fury batok sa 2003 Stallions, 99-73 sa Division 3.

Kaniadtong Sabado diin may gihimong tulo ka duwa, midaog ang 1993 Dragons pinaagi sa forfeiture sa 1984 Knights ubos sa Division 1. Midaog ang 1989 Spartans pinaagi sa default dihang upat lang ka players sa 1001 BAI ang naka-uniporme samtang laing upat nila ka pambato pulos adunay piang.

Ang 2002 Legendary Lions midaog batok sa 1996 Chubbies sa iskor, 61-58.

Kaniadtong Domingo, midaog ang 1985 Legends batok sa 1986 Mighty Geeks, 71-52 ug naka-ikyas ang 1990 Titans batok sa 1988 Barakos, 71-69.

Sa labing unang higayon sa NABC, duha ka teams ang parehong napilde pinaagi sa defaults tungod kay ang 1984 Knights duna lay usa ka player nga mipatim-aw samtang ang 1987 Bro may upat lang ka players.

Midaog ang 1992 Little Rascals batok sa 1989 Spartans, 65-60, gilubong sa 1993 Dragons ang 1991 BAI, 85-67 sa mga duwa sa Division 1.

Sa mga sangka sa Division 2 kaniadtong Domingo, midaog ang 1994 Bulldogs batok sa 1998 Sipat, 90-4, na-upset sa Chibbies ang Pirates 58-51 ug gilubong sa 1999ers ang USC NC Faculty, 79-59.

Sa Division 3, midaog ang 2006 Fury batok sa 2005 Chameleons, 77-64 ug midaog ang 2007 Way Bus batok sa 2014 Underdogs, 68-64. (BANAT NEWS)

ANG BATOK DIVISION DOS MIL SIETE FLY BOYS GENERAL MAXILOM KANIADTONG BIYERNES LITTLE RASCALS MIDAOG NGA SA DIVISION
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with