Azkals taktak na sa WC qualifier
CEBU, Philippines - Wala na’y purohan ang Phl Azkals nga makaduwa pa sa FIFA World Cup human sila gitagak sa Yemen, 0-1 kagahapon atubangan sa mga Pinoy fans didto sa Rizal Memorial Stadium.
Ang Azkals nahiagum sa ikatulo nilang pilde sa unom ka duwa hinungdan nga dili na sila kaabante sa sunod round sa World Cup qualifier.
Sakit ang maong kapildihan tungod kay gawas nga anaa sila’y homecourt advantage, ang Azkals giisip usab nga inilog batok sa Yemen, kinsa ilang gipilde sa una nilang duwa.
Ang Yemen nga nakakuha sa labing una nilang daog sa group stage dili usab kaabante sa sunod round, apan dakung kalampusan nila ang pagbuntog sa Azkals.
Bisan pa og tagak na sila sa qualifier, ang Azkals kinahanglan gihapon motiwas sa nahabiling duha nila ka duwa sa Group H batok sa mga lig-ong koponan nga Uzbekistan ug North Korea.
- Latest
