CEBU, Philippines - Gatosan ka mga miyembro sa Workout Fitness Center ug ubang mga fitness enthusiasts ang kompirmadong mosalmot sa 9th Cebu Aerobics Marathon.
Ang kalihukan nga gipasiugdahan sa Workout Fitness Center nga gipahaom sab sa ilang ika-27 ka tuig nga pag-promote sa kapiskay sa lawas ug pagpasibo himuon sa Oktubre 26 diha sa Universiy of San Carlos (USC)-North Campus gym, ning siyudad.
Ang lima ka oras nga non-stop electrifying aerobics uban sa usa ka dance medley isip special feature gipaluyohan sa Bayfront Hotel Cebu uban sa Ang Sinangag Station, Ms. Genevieve Corneta, Pro-Matrix 7, Casino Rubbing Alcohol, Omega Pain Killer, Lecit-E, Cebu Paradise Resort sa San Remigio, Smooth 89.9 FM ug Home Radio 106.7 FM. (BANAT NEWS)