CEBU, Philippines - Nahitsas na ang semifinal cast sa secondary football event sa 2014 CESAFI season human midaog ang Don Bosco Technology Center didto sa Cebu City Sports Center.
Ang DBTC nakarekober gikan sa makapakurat nga kapildihan batok sa University of Southern Philippines Foundation (USPF) dihang ilang gipahimungtan ang Sacred Heart School-Ateneo de Cebu (SHS-AdC), 2-0 nga maoy nagduso kanila aron mahimong topseed paingon sa sunod hugna uban ang nuybe puntos ug 14 goal difference, gisundan sa SHS-AdC nga nakakuha sab og nuybe puntos ug 12 goal difference.
Miabante sab ang USPF human ilang gipulbos ang University of San Carlos (USC), 2-0 pinaagi sa mga paningkamot nilang Ivan Palmero ug Mark Dalumpines.
Bisan sa ilang kapildihan, ang USC misulod gihapon sa semis. (BANAT PALARO)