CEBU, Philippines - Ang Cordova mao na sab ang makapahimos sa Sunsports Basketball Training Camp didto sa Cordova Sports Complex.
Magsugod kini sa Septiyembre 6 ug matapos sa Oktubre 4. Ang lima ka semana nga clinic bukas sa aspiring hoopsters nga nagpangedaron og 19 anyos. Himuon kini matag Sabado sud sa duha ka oras matag session gikan sa alas-12 sa udto hangtod sa alas-2 sa hapon.
Si training director Giovannie ‘Jojo’ Romarate miingon nga ilang himuon ang tinuig nga kalihukan panahon sa summer, apan tungod sa hangyo sa kadaghanan, nakahukom sila sa pagpahigayon og senemanang klinik.
Matud pa ni Romarate nga atol sa training, ang mga partisipante mokat-on sa fundamental ug technical aspects sa sports. Alang niadtong interesado, mahimong mokontak ni Romarate sa 0933-2677713/0921-2338305 o di ba sa 260-8608. (BANAT NEWS)