Surban midaog korona

CEBU, Philippines -   Mihakot og laing korona ang Sugbuanong seklista nga si Niño Surban dihang mipahiluna siya sa unang dapit super-challenge sa 2014 sa CCBC Cycle Singapore niadtong Domingo didto sa F1 Pit Building.

 Usa lamang kini sa tune-up alang sa laing lumba sunod semana, apan si Surban buot mohimo’g impresiyon  ngadto sa iyang manedyer sa Singapore, Jundeb Esquivel ug sa iyang mga sponsors.

 Ang super-challenge usa ka 59-kilometrong aksiyon nga gibuak sa pipila ka loops diin si  Surban midaog sa open competition.

 Pipila ka mga   higalang Pinoy ni Surban nga atua na karon magbasi sa Singapore nakahuman sab sa maong lumba nga naglakip ni Esquivel, ang Sugbuanong si Alain Lee ug si Sandy Sy sa Iligan City.

 Sunod semana, si Surban mobalik didto sa Lion City aron mosalmot og mountainbike competition, uban ang paglaum nga modaog sa unang dapit. (BANAT PALARO)

 

Show comments