CEBU, Philippines - Ang di kaayo iladong Pinoy boxer nga si Rey ‘Hitman’ Loreto milangkat sa bakanteng IBO light flyweight title human siya mihimo og upset nga kadaugan batok sa kanhi African champion nga si Nkosinathi Joyi didto sa Montecarlo, Monaco.
Bisan pa og wala'y mituo kaniya nga mudaog sa maong away, ang taga-Davao City nga si Loreto mipakita og kusug ug kaisug aron paundangon sa third round ang mas inilog nga South African boxer.
"Natupad na ang pangarap ko at nagbunga ang hirap ko," matud pa ni Loreto sa Philboxing.com.
Sa maong kadaugan, si Loreto misaka sa record nga 18-13, 10KOs, samtang si Joyi nakatilaw sa iyang ikatulong pilde sud sa 27 ka away. (BANAT PALARO)