CEBU, Philippines - Magbagat na sab ang mga batan-on ug banggiitang chess players dinhi sa Sugbu sa ipahigayong 2014 PNG Qualifying Chess Tournament sa Pebrero 1 ug 2 diha sa Ballroom hall sa Cebu City Sports Center (CCSC).
Sugdan kini sa alas-8 sa buntag.
Ang duha ka adlaw nga kompetisyon mosubay og 7-round Swiss system format.
Bukas kini sa mga batan-on nga nagpangedaron gikan sa 16-anyos ug pataas.
Ang top three sa boys ug girls division adunay kahigayonan nga moduwa didto sa PNG didto sa Manila diin libre ang tanang galastohan atol sa maong torneyo.
Ang deadline sa registration kutob lang sa Enero 31.
Alang sa dugang pang mga pakisayod kalabot sa maong torneyo, mahimong mokontak ni FIDE Arbiter Felix Poloyapoy, Jr. sa 0933-6642958. (BANAT NEWS)