CEBU, Philippines - Mihatag og dungog sa nasud ang Sugbuanong playing coach nga si Glenn Lava human maka-gold ug ingon man usa ka bronze paghuman sa 2013 World Taekwondo Poomsae Championships niadtong weekend didto sa Bali, Indonesia.
Si Lava uban ni Jean Pierre Sabido ug Ernesto Guzman Jr. maoy migiya sa malampusong kampanya sa Pilipinas sa senior 2 competition.
Sa wala pa modaog og bulawan, si Lava misakmit og bronze medal sa mixed team freestyle.
Bisan pa'g misalmot si Lava sa world championships, kanunay gihapon siya nga nagmonitor sa training sa iyang mga magduduwa nga nakatabang og daku nilang Mikaela Calamba ug Rinna Babanto aron sab magmalampuson.
Si Calamba, sa University of San Carlos (USC) ug Babanto sa Southwestern University (SWU) uban ni Jocey Le Nonobia sa Manila mikabkab og bulawan sa juniors division. (BANAT PALARO)