CEBU, Philippines - Ang September edition sa Cebu Executives and Professionals Chess Association (CEPCA) monthly
tournament mosikad karong Domingo diha sa Handuraw Pizza sa Gorordo Avenue, ning siyudad.
Sugdan ang kompetisyon sa ala-1 sa hapon.
Si CEPCA tournament committee chairman Jun Olis miingon nga naglaum sila nga kapin sa 30 ka mga
miyembro ang mosalmot sa 5-round Swiss system nga kompetisyon.
Ang top finisher moabante ngadto sa grand finals karong Disyembre uban sa early qualifiers nga silang lawyer
Jong Melendez, NM Arnold Cadiz, Percival Fiel, Maggi Dionson, Manuel Abucay, Jun Kidlat, Peterson Sia, Rey Flores
ug Freddie Casagan.
Matud ni Olis nga human sa kompetisyon, ang CEPCA mopahigayon sa ilang tinuig nga election sa bag-ong
hut-ong sa mga opisyales alang sa 2014. Ang labing karaan nga chess association dinhi sa Sugbu gipangulohan karon ni
Rolando 'Jojo' Muralla Jr. (BANAT NEWS)