Pimentel, Hayleb daog

CEBU, Philippines - Nahimong bayani si Dexter Caballero sa kadaugan sa Pimentel Brokers pinaagi sa iyang buzzer-beating shot batok sa Elijah-Porky 2HP, 75-73 sa  6th F. Llamas Youth Association (FYA) basketball tournament sa miaging gabii didto sa barangay Tisa gym, ning siyudad.

 Kalit nga nahimong kulbahinam ang duwa human magtabla ang iskor, 73-all sa nahabiling siyete segundos.

 Niadtong higayona, ang  Pimentel Brokers ni team owner Marty Pimentel maoy adunay ball possession, apan

wala sila makahimo og maayong play ug  sa tuyo nga dili maabtan sa "shotclock" kalit nga gisalibay ni Caballero ang bola hinungdan nga wala kini masulod. Hinuon nakuha pagbalik sa Pimentel ang bola ug niadtong tungora si Caballero mipasulod sa iyang marka-bahala nga itsa dayong huni sa buzzer.

 Gawas sa iyang pagkabayani, si Caballero mao sab ang nangulo sa kadaugan pinaagi sa iyang 23 puntos, gisundan ni Ranel Patalita nga adunay 15 puntos.

 Si Jaime Atuel maoy nangu sa pilderong Elijah sa iyang 21 puntos.

 Sa laing duwa, midaog sab ang Hayleb batok sa Simple Likes Barbecue Haus sa iskor nga 100-96.

 Sila si Clark del Mar ug Beking Rollon nagkumboya og 49 puntos aron pangulohan ang Hayleb.

 Sila si Ryan Villaver, Noel Medalle ug McLean  Alkuino miiskor sab og double figures alang sa Simple Likes.

PUNTOS MATAG USA

Unang duwa:

 Pimentel (75) - Caballero 23, Patalita 15, Dumaguit 11, Sabalnade 7, Sambejon 6, Sarsaba 4, Avila 2, Lopez

2. Cajucson 2

 Elijah (73) - Atuel 21, Pacana 16, Limbaga 14, Trangia 6, Angcus 5. Lanojan 5, Barro 4, Rupal 2

Ikaduhang duwa:

 Hayleb (100) - Dela Mar 29, Rollon 20, Endrino 16, Aglipa 14, Baricuatro 10, Canceko 5, Nudalo 4,

Pasarello 2

 Simple Likes (96) - Villaver 24, Medalle 22, Alkuino 21, Dacayana 14, Garcia 6, Mirasol 4, Cuyme 4,

Zapanta 1 (BANAT SPORTS)