CEBU, Philippines - Daw sama kahayag sa udtong tutok ang unang sangka sa VECO dribblers dihang ilang gilubong ang Northwind Hotel, 61-45 sa 1st Sta. Catalina Inter-Sitio & Inter-Company basketball tournament niadtong Lunes sa gabii didto sa sitio Avocado open court sa barangay Lahug, ning dakbayan.
Sa laing duwa, ang Park Mall naka-eskapo bitbit ang 64-61 nga kadaugan batok sa SM Mall.
Ang 24 puntos ni Edfel Riconilla maoy nagtuboy sa Park Mall ngadto sa kulbahinam nga kadaugan sa una nilang duwa.
Matud pa ni tournament chairman ug ex-CIT Wildkitten Robert Ortega nga ang 1st Sta. Catalina basketball tournament gipaluyohan ni South District Rep. Tomas R. Osmeña ug ni Association of Barangay Councils (ABC) president Hon. Michael Rallota sa barangay Tejero. (BANAT NEWS)