Dear Atty. Divine,
Ang akong house and lot giabangan. Apan ang nag-abang niini, nagplano nga iyang paliton ang property. Kini maoy hinungdan nga ang among gipirmahan mao ang Rent to Own Contract. Ang among sabot nga iyang bayran og installment ang property sud sa lima ka tuig. Mihatag siya og down payment nga 10%. Nabutang sab sa among kontrata nga kun di siya mopadayon sa pagpalit sa property dili na niya mabawi ang down payment ug ang iyang monthly payments kay masilbi kining iyang bayad sa abang kay iya man nga gipuy-an ang property. Karong bag-o gipahibawo ko niya nga di siya mopadayon sa pagpalit sa property og gusto siyang magpa-refund sa iyang tanang nabayad nako. Ang akong pangutana kun sakto ba kining gibuhat sa buyer nga magpa-refund sa tanan niyang nabayad? Daghang Salamat. -- Peter
* * *
Dear Peter,
Ang kontrata nga gisudlan nimo og sa buyer matawag kini nga Contract to Sell. Basi sa Article 1486 sa atong Civil Code, kini nagkanayon nga ang kondisyon nga ang installments or rents nga gibayad dili na mamahimong bawion sa lessee or buyer balido kini basta kini reasonable lang og dili unconscionable or sobra ra kaayo. Sa imo nga kaso, makatarunganon nga di na iuli ang gibayad sa renter/buyer kay gawas nga anaa kini sa kontrata, iya man sab nga gi occupy na ang property so magsilbi kining rentals. Mismo ang Korte Suprema sa ilang desisyon sa kaso sa Spouses Godines vs. Sps. Norman (GR 225449, Feb. 26, 2020), kini nagkanayon nga kon gi occupy na sa prospective buyer ang property then na deprived na ang owner sa paggamit niini, then, ang pagbayad sa reasonable nga rental sa property gitumong aron mabayran ang owner sa mga higayon nga wa niya magamit ang iyang property.Busa dili makatarunganon ang demand sa buyer nga magpabayad siya sa tanang payments nga iyang nahimo tungod kay magsilbi
man kini niyang rental payments sa iyang pagpuyo sa imong property. Thank you and God Bless. -- Atty. Divine
Alang sa inyong pangutana, palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.