Chapter of faults

Matud pa sa Rule of Life sa mga Carmelites no. 14 natagik kining mosunod:

“On Sundays too or other days if necessary, you should discuss matters of discipline and your spiritual welfare and on this occasion the indiscretions and failings of the brothers if any be found at fault, should be lovingly corrected.”

Mahinungdanon kaayo ang fraternal correction alang sa kaayohan ni bisan kinsa nga anaa sa katilingban o pamilya.

Kini tungod kay daghan man kanato ang usahay wala makaalinggat sa atong dakong kasaypanan.

Apan sa dili pa kini moabot sa katilingban sa kinatibuk-an mas makaayo seguro nga ita mismong taglawas ang una gyud nga modisiplina sa atong kaugalingon.

Ning paagiha mahinungdadon nga atong makita ang atong sayop kaysa tugotan nato ang uban nga maoy mohimay niini.

Hinumdomi kalipay ra ba sa atong mga kaaaway nga makita ang atong kahuyangan sanglit mahimo man nila kining gamiton batok kanato.

Nunot ning maong disiplina ang kalooy. Kalooy sanglit ang gidisiplina nahimutang man sa kangitngit busa gikinahanglan niya ang kahayag.

Sa laing bahin, mahinungdanon usab ang kaangayan. Matag sala dunay tugbang silot kadaut dunay tugbang bayad sa pag-ayo kun reparation.

Dili paigo ang moingon og pasayloa intawon ako. Hinunoa mahinungdanon usab kaayo ang pagbayad sa mga kasaypanan ug ang paghulip sa bisan unsang kakulangan.

The greatest apology is a changed life dii ang paghilak hilak ug tibi tibi. Sa tumang pagpaubos moangkon pud unta kita: “Mea Culpa, Mea Maxima Culpa!”