_banat
^

Banat Opinyon

EDITORYAL - Wa nagkagiyera

Ian B. Melecio - Banat
EDITORYAL - Wa nagkagiyera

Way nahitabong giyera, wala magsugod ang World War 3 ug labaw ng walay bombang nukleyar nga gitagak ang China sa Pilipinas human nga giabog sa barko sa Philippine Coastguard ang usa ka Chinese navy warship nga diha sa kadagatan sa West Philippine Sea.

Kahinumdoman nga kon pangutan-on si Pres. Duterte nganong lugak ra iyang polisiya bahin sa WPS ug sa China mao kini ang iyang pirmeng itubag.

Una sa tanan, dili mahitabong bombahan sa China og nukleyar ang usa ka nasud nga dili armado og nukleyar. Samot na kun ang komprontasyon naglambigit lang sa barko sa coastguard nga dili armado ug nga pinasubay international law.

Niadtong Hulyo 13, na-detect sa BRP Cabra sa Philippine Coastguard ang usa ka barko sa China diha sa Marie Louise Bank sa WPS nga 147 nautical miles lang gikan sa El Nido sa Palawan.

Gipadul-an sila sa barko sa Pilipinas ug gimandoan pinaagi sa radyo sa pagbiya sa lugar.

Sa usa ka talagsaong hitabo, mitahod ang Chinese Navy ug mibiya sa dapit apan gisundan kini sa BRP Cabra hangtud nakagawas sa teritoryo sa Pilipinas.

Mahimo man lagi kini? Walay giyera nga nahitabo. Ang China mopatuo lamang kung ipaagi sila sa pwersa.

Nagpasabot lang kini nga kung tugbangan og hulga ug pakitaan og determinasyon sa mga Pilipino ang China mosanong kini.

Hinuon ang pisikal nga komprontasyon sulod sa teritoryo sa mga Pilipino nga walay labot sa giilogang teritoryo sa WPS dili maayong tan-awon sa mata sa international community.

Bisan tuod og wala kini mahitabo sa giilogang teritoryo, apan makita nga usa kini ka ehemplo sa “right is might” ug dili ang “might is right” nga maoy gipakita sa China diha sa WPS sud sa pipila na ka tuig.

Maayo unta og maenganyo sab ang Kongreso sa bayanihong gihimo sa BRP Cabra ug makahunahuna sila sa importansiya sa pagpalit og dugang mga barko nga magamit sa pagpatrolya sa teritoryo sa nasud.

Halos 80 porsiyento sa nasud ang gipalibotan og dagat mao nga gikinahanglang duna gyud unta kini daghang barko aron mapreserbar ang seguridad ug kadagatan niini.

PHILIPPINE COASTGUARD
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with