_banat
^

Banat Opinyon

Tanghaga

AMBOT LANG - Gerry Auxilio - Banat

Gitangtang sa iyang pagkapangulo sa Local School Board si Raddy Diola. Si Diola wala masayod sa rason sa pagtangtang kaniya sa katungdanan.

Diha na lang siya masayod dihang lain na ang naglingkod sa iyang opisina.

Kun hulipan man sa katungdanan ang usa ka kawani, dili ba diay puwede nga hatagan og gamay nga kortisiya nga pahibaw-on sa dili pa siya tangtangon? Basic man seguro kini sa mga tinudlo ug dinawat nga mga kawani sa gobiyerno.

Ang pagtangtang kang Raddy Diola sa iyang pagkapangulo sa Local School Board nahimong tanghaga sa mga tawo ug sa iya mismo tungod kay walay rason nga gipagawas ang opisina ni Cebu City Administrator Atty. Floro Casa Jr. sa pagtangtang kaniya sa katungdanan.

Kun unsa man ang hinungdan igo ra ta sa pagpangagpas. Politika ba ang hinungdan tungod kay dayag nga kaalyado ni Vice Mayor Mike Rama si Diola o ba kaha adunay laing rason nga nagpaluyo nga dili poyde nga ibulgar sa publiko tungod sa pagka seryoso.

Kun politika man ang hinungdan, unsa may buot ipasabot niini? Nasiak na ba ang panag-uban ni Mayor Edgardo Labella ug Bise Mayor Mike Rama?

Kun lain man ang rason, nganong gitagoan man kini nila sa katawhan? Unsa man diay kini ka seryoso?

* * *

Moabot sa 600 ka mga Medical workers sa nasud sa Thailand ang natakboyan gihapon sa coronavirus disease bisan pa man og natusukan na sila og duha ka doses sa bakona nga Sinovac.

Ang Health Ministry sa Thailand miingon nga sa kinatibuk-ang 766,348 ka medical personnel nila nga nahatagan og duha ka doses sa Sinovac, 618 kanila ang natakboyan sa virus gikan sa Abril hangtod sa Hulyo. Gani usa ka nurse ang anaa karon sa peligro nga kahimtang ug lain usabnga nurse ang namatay.

Dinhi sa Pilipinas, subra sa 300 ka mga tawo ang nabakunahan na apan gipangtakboyan gihapon sa coronavirus disease. Tanghaga.

SCHOOL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with