Make me a real boy

Kini ang hangyo ni David nga usa ka Robot nga dunay artificial intelligence ngadto sa Blue Fairy. Kini tungod kay buot niyang higugmaon sa tinud-anay gayud sa babaye nga giisip niyang inahan.

Nagpabilin kini nga tinguha sa iyang kasingkasing hangtud nga na-freeze siya sulod sa duha ka libo ka mga tuig ug alien ang nikuha niya gikan sa iyang gisakyan nga spaceship.

Apan wala gihapon mahanaw ang iyang tinguha nga mamahimong tinuod gyud nga bata.

Nakasinati man tuod siya niini apan ang maong kasinatian naghatag kaniya og tinud-anay nga kalipay bisan pa man kun usa lamang siya ka robot nga dunay artificial intelligence.

kun buot hunahunaon daghang mga tawo ang nangindahay nga mamahimong matinud-anon sa ilang kaugalingong kinabuhi.

Apan lisud ang mamahimong magmatinud-anon. Kini tungod kay daghan man ang buot magpuyo sa bakak kay diha sa pagpuyo sa bakak mamahimong maglikay ang kadaghanan sa kamatuoran.

Kini tungod kay daghang mga kamatuoran ang lisud kaayo dawaton.

Dili lalim ang panaw ni David padulong sa maong kasinatian.

Giprangkahan siya sa alien nga dili gyud mahitabo nga mamahimo siyang tinuod nga bata.

Apan mahimong makasinati sa kasinatian kuyog sa iyang giilang inahan sulod sa usa lamang ka adlaw. Tungod sa maong tinguha gipaningkamotan sa alien nga mahimong maanaa gyud ug makuyog ni DAvid ang iyang giilang inahan.

Ang maong kasinatian maoy nagdala kang David sa tinud-anay nga pahulay. nakapahulay siya tupad sa iyang giilang inahan.

Ang maong talan-awon alang kanatong tanan nga sama kang David buot mosinati sa bisan unsang kamatuoran.

Mahimong mopeke sa kinabuhi apan kun ato kining buhaton nan, mamahimo kitang binilanggo sa atong kaugalingong anino.

Husto gyud ang ebanghelyo ni Juan kapitulo 8 bersikulo 32  nga nagkanayon: YOu shall know the truth and the truth shall set you free!” kay anaa sa kamatuoran ang tinud-anay nga kagawasan.