Napugos
LINTUNGANAY - Fred P. Languido (Banat) - June 21, 2020 - 12:00am

Tataw nga wala pa madawat hangtud ron ni Dr. Tony Leachon ang iyang pagkatangtang isip special adviser sa Inter-Agency Task Force for Managing Emerging Infectious Diseases (IATF-MEID).

Maklarong di siya ganahang mobiya apan napugos siya sa pagluwat.

Iyang gihimong rason mao ang ilang panagsumpaki sa prinsipyo ug baruganan sa mga opisyal sa Department of Health nga iyang gipasanginlang labihan ka hinay og lihok pagtubag sa pandemiya.

Isip special adviser sa IATF nga gipangulohan ni Health Secretary Francisco Duque, responsibilidad ni Leachon ang pagtabang sa ahensiya.

Apan inay nga tabangan iya hinuon kining gisigihan og saway diha sa social media.

Isip delicadeza husto nga miluwat siya sa katungdanan. Kun gipugos man siya sa pagluwat way laing mabasol gawas sa iyang kaugalingon.

Way duda sa katakos ug abilidad ni Leachon isip batid nga doktor. Apan ang iyang problema mao ang iyang katabian nga makaapiki na hinuon sa IATF.

Daghan siya og maayo nga mga punto nga gipadayag apan ang maayo unta niyang gihimo mao ang pagpadangat niini ngadto sa IATF isip consultant inay nga adto sa social media magpabida.

* * *

Human sa pagluwat ni Leachon isip consultant sa IATF mikatap dinhi sa dakbayan sa Sugbo ang "conspiracy theory" nga siya gisugo aron pagsabotahe sa administrasyon ni Mayor Edgardo Labella.

Dunay matrix nga migawas sa social media nga si Leachon ug kanhi mayor Tomas Osmeña suod kuno nga managhigala.

Atong hinumduman si Leachon consultant sa IATF sa tibuok nasud ug unsa may labot  ni Osmeña pagpili niya?

Igo na sa maggamit sa politika nga lansis sa nagkabulingit nga pagdumala sa dakbayan sa krisis nga ato karong giatubang.

Dili makatabang pagsulbad sa atong problema ang pamolitika. Dili sad matago ang pagsulbong sa mga kaso sa COVID-19 ug ang pagkuwang sa mga tambalanan.

Bisan unsaon pa og am-am sa dakbayan ang publiko nga wala pa mapuno ang atong mga tambalanan, apan lahi ang kasinatian sa mga pasyente.

Daghang personal account sa mga pasyente ug mga tagtungod nga imong mabasa sa social ug momatuod nga wala ta tug-ani sa mga opisyal sa dakbayan sa tinuod nga kahimtang.

Ambot biktima lang ba sab kaha ang mayor sa mga sayop nga kasayuran nga gihatag niya o gusto lang niyang taguan ang tinuod  nga kahimtang.

Ang maayong buhaton sa mayor mao ang personal nga pagsusi sa mga emergency rooms aron iyang masaksihan ang kamatuoran.

NAPUGOS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with