Mihulga sa pagpost sa video sa Facebook
Dear Atty. Divine,
Naay cellphone ang akong amiga nga naguba. Nananghid daw iyang ig-agaw nga iya-on kay iyang ipaayo. Ug tuod man, naayo kini ug gigamit na sa uyab sa iyang ig-agaw. Karon kay nagkaawayay akong amiga ug kadtong iyang ig-agaw. Ang iyang ig-agaw gi blackmail siya nga i-post daw sa Facebook ang scandal video nga naa sa maong cellphone nga wala na-erase sa akong amiga. Akong amiga dili sigurado kun unsa nga video ang anaa sa iyang cellphone. Unsay angay niyang buhaton niini? Daghang Salamat.
Jessa
* * *
Dear Jessa,
Mamahimong mopasaka og reklamo ngadto sa barangay ang imong amiga batok sa iyang ig-agaw nga mihulga kaniya sa pag post sa giingong eskandaloso nga video nga anaa sa iyang cellphone. Pwede kini niyang ireklamo sa barangay diin nagpuyo ang iyang ig-agaw ug iyang i-demand ang pagbawi sa cellphone ug sa pag erase sa video nga anaa sa sud niini. Apan kun pananglit tinud-on gyud sa iyang ig-agaw ang pag post sa maong video, then, mamahimo kini niyang pasakaan og kasong kalapasan sa Republic Act 9995 or Anti-Photo and Video Voyeurism Act of 2009 kay usa ka kalapasan sa maong balaod ang pag post sa maong video basi sa Section 4 (d) sa maong balaod. Thanks and God Bless.
Atty. Divine
* * *
Alang sa inyong pangutana, palihug lang sa pag-email sa [email protected] ug akong tubagon ang inyong pangutana, pinaagi sa akong column matag Miyerkules, Sabado og Domingo og akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest