AARP, part II
SENIOR CITIZEN - Antolin dela Serna (Banat) - March 6, 2020 - 12:00am

Ato ning padayunon paghisgot dinhi kay sa atong pakigtagbo sa mga senior citizens sa tanang 80 ka barangay ning dakbayan, ang AARP kon American Association of Retired Persons nga karon gibana-bana nga aduna nay mga 40 ngadto sa 41 milyones ka miyembro. 

Sa ato nang giingon, usa ka dakung kapunongan uban sa kapin 41 milyones ka sakop, apan usa ray organization, nagkahugpong silang tanan, dili sama kanato dinhi sa atong nasud nga nagkatibulaag kita kay kono kitang mga Pilipino lisud usahon, ug dili magkasabut.

Sa ato lang mga barangay, adunay tagduha o tagtulo, ang uban tag-upat gyud ka pundok sa mga senior citizens. Ngano man ni? Tinuod ba ang giingon nga kono kitang tigulang mga gahi og ulo, mga luoran, tag-as og garbo, ug maayong pagka-gawong sa politika.

Sayud man ta nga ang poltiika divisive kaayo, maoy hinungdan nga wala gayud kita magkahiusa sa tibuok nasud. Busa, hinay ang atong pag-uswag as a country. Individually, ang mga adunahan nisamot ka adunahan ug ang mga alaut nisamot ka alaut.

Rusulta kini sa nagkatibulaag nga nasud. It seems nga ang matag adlaw sa tibuok tuig is election day. Pastilan!

Ang membership sa AARP bukas alang sa nagpanuigon og 50 pataas, whether retired na o nagtrabaho pa.Ang ilang ulong buhatan o ang ilang headquarters atua mahimutang sa Washington D.C. Lahi sa ato dinhi nga ang atong mga senior citizen associations alang lamang sa nagpanuigon na’g 60 pataas. Sa ato pa, mga tigulang na gyud kansang panginabuhian wala nay klaro.

“AARP’s mission is to enhance the quality of life for all as we age, leading positive social change and delivering value to members through advocacy, service and information.” Mao ba usab kini ang mission sa mga  senior citizen association sa atong mga barangay? 

Ania ang pipila ka benepisyo nga maani sa mga sakop sa AARP: 1, Find free financial advice. 2. Save on car insurance. 3. Cut the cost of home insurance.  4. Get dental and vision insurance. 5. Improve your hearing. Pay less for prescriptions.  6. Entertain yourself while waiting in line, daghan pa. Gitanyag ba kini sa atong mga senior citizens association sa mga barangay?

Ang baruganan sa AARP: “While comprised of different legal entities, AARP speaks with one voice  - all united by a common motto: To serve , not be served.”

Nindot. Dinhi sa ato, sa atong mga barangay, aduna bay hiniusang tingog kitang mga senior citizens? Aduna ba kitay common nga motto, to serve? Pinaagi sa atong mga association sa mga barangay, nakapa-improve ba kita sa quality of life, ug sa financial well-being sa atong mga senior citizens?  Di ba ang atong trabaho karon mao lamang ang paghuwat kanus-a manghatag sa financial assistance ang city hall? Unsa man diay nahimo sa existing natong mga senior citizen associations?  By the way, are we enjoying life now? Or did we find it boring and disgusting? Despite sa atong pangedaron, we still can make our lives better and enjoyable, kon magkahiusa kitang tanan. 

Sa iyang paghiusa sa tulo ka pundok sa mga senior citizen associations sa Sambag I, si Kapitan Aileen Guardo, sa walay pagtan-aw sa bulok sa politika, nagkanayon: “Usa ray atong tumong, managsama ang atong padulngan, ug wala magkasungi ang atong mga damgo, nganong magbuwag-buwag man ta?”

AMERICAN ASSOCIATION OF RETIRED PERSONS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with