EDITORYAL - Daghan pang ‘scalawags’
(Banat) - February 15, 2020 - 12:00am

“Poster Boy” ni Presidente Duterte sa kampanya batok sa illegal nga drugas dinhi sa nasud naapil sa iyang listahan sa giimbestigahan tungod sa posibilidad nga nalambigit kini sa illegal nga drugas.

Mismo si Interior and Local Government Secretary Eduardo Año ang nikompirmar niini bisan pa man sa wala pagangkon ni PNP Chief Archie Francisco Gamboa sa mga tigbalita ug nasilo pa hinuon kini dihang gipangutana kun kompirmado ba ang report nga apil si Police Lt. Col. Jovie Espenido sa 357 ka polis sa Duterte narco list. Apan dili lang si Espenido ang opisyal nga naapil kondili aduna pay laing duha ka Brigadier Generals. Silang tanan girelibohan sa ilang pwesto ug giimbestigar. Matud pang Año, hagbay rang nasayod si Duterte nga apil sa listahan si Espenido.

Si Espenido gitawag nga poster boy sa war on drugs ni Duterte tungod sa mga high-profile nga operasyon sa kapolisan nga niresulta sa kamatayon sa mga gipasanginlang dagkong punoan sa illegal drug trade dinhi sa Pilipinas.

Siya maoy hepe sa Albuera, Leyte sa dihang napatay ang mayor nga si Rolando Espinosa Sr.; siya sab ang hepe sa Ozamiz City sa dihang napatay sa anti-drug operation ang impuwensiyadong mga Parojinog apil ang mayor didto nga si Reynaldo Parojinog Sr., asawa niini, igsuong board member nga si Octavio Parojinog Jr., ug igsuong babaye nga si Mona.

Sa wala pa girelibohan si Espinido, nadestino siya sa Bacolod City, ang maong dapit makadaghan sab nahitugan ni Duterte sa iyang mga pamahayag tungod sa paghitak gihapon sa illegal nga drugas.

Samtang duna pay gihimong beripikasyon ug balidasyon sa mga impormasyong nakaylap batok aning kapin 300 ka mga polis, makaingon ta nga wala pa gyud diay mapuo ang mga polis nga nalambigit sa illegal nga mga kalihokan.

Mao ba kaha ni ang rason kun nganong dugay kaayong  nakatudlo og mangulo sa PNP si Duterte human nga sayong niretiro si kanhi PNP Chief Oscar Albayalde tungod sa pagkalambigit kaniya sa mga kanhi niya mga sakop nga gipasanginlang “ninja cops.”

DROGA SCALAWAGS
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with