Lungag daplin sa dagat
MGA LAMAS SA KINABUHI - Fr. Rey Cui (Banat) - November 6, 2019 - 12:00am

Si San Agustin usa ka adlaw niana niadto daplin sa dagat. Nakita niya ang usa ka bata nga nagkawot og lungag daplin sa dagat.

Sa dihang ang maong bata gipangutana kun ngnaong iyang gilungagan ang balas, ang bata mitubag nga iya kunong ibutang ang dagat sa maong lungag. Apan si Agustin nagkanayon nga lisud mahitabo ang maong butang.

Ang bata mitubag nga mas malisud ang pagtugkad sa misteryo sa Dios nga buot tugkaron ni Agustin.

Puno sa misteryo ang kinabuhi , di pa lang dugay nahitabo ang pagsaulog sa Todos Los Santos ug sa Adlaw sa mga Nangamatay.

Ang kinabuhi puno sa misteryo kay dunay mga higayon nga sa pagpunay nato ang paningkamot sa mga butang nga buot natong kab-uton apan takulahaw lamang mahanaw gumikan sa kamatayojn. Ang maayong buhaton sa tawo mao man ang pag-angkon nga dili niya maangkon ang tanan.

Sa akong pangidaron nga kap-atan, akong naamgohan nga dili maayong magpalabi sanglit hapit naman ang kahaponon sa kinabuhi.

Ang maayong himoon mao ang pagtagamtam sa kasamtangan ug ang paghatag og igong bili sa matag tawo nga nahimong kabahin sa imong kinabuhi.

Kay mahimong ulahi na gyud ang tanan kun sila anaa na lang sa atong panumdoman.

Ang misteryo wa magpasabot nga dili nato kini matugkad.

Ang matag misteryo atong masabtan diha sa natad sa atong pakiglambigit sa atong isig-kaingon.

Lisud ang pakiglambigit kay usahay dunay mga tawo nga lisud kaayong sabton ug gani dunay uban lisud kaayo higugmaon.

Sayud kita nga sila masalaypon ug nagpakasala apan bisan pa niini padayon nato silang gihigugma, giatiman, ug gipangga tungod ba kaha sa gitawag nilang gugma?

Ingon ini usab ang Dios nga bisan kita makasasala padayon kitang gihigugma ug gipangga Niya.

Bisan pa man kun tuod nahimong kumpleto ang iyang kinabuhi kun wala ta apan padayon ta niyang giagak ug gipangga. Ingon ini ang misteryo sa Diosnong Gugma.

Ingon ini ang iyang pagpangga. Dunay usa ka babaye nga kanako nangutana kun ngnaong hangtud karon siya gipangga sa iyang hinigugma bisan sa iyang mga sala, igo lang akong mitubag nga ayaw na lang pangutana hinunoa, tagamtama ang imong kasinatian karon.

Ayaw na lang ni og hunahunaa kay kun imo kining himoon maglibog ka lang!

DAGAT
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with