Kitaon ang katag
AMBOT LANG - Gerry Auxilio (Banat) - July 11, 2019 - 12:00am

Moabot sa 45 ka tawo ang gipasakaan og kaso sa mga abogado sa kagamhanan sa dakbayan sa Sugbo sa buhatan sa Ombudsman tungod sa pagguba sa opisina sa Mayor.

Sa mga gipasakaan og kaso nag-una niini ang kanhi mayor ug karon private senior citizen na nga si Tomas Osmeña.

Gipasakaan usab og kaso si Pericles Dakay ang presidente sa Dakay Construction ug ang iyang 32 ka mga trabahante nga maoy gipaguba sa opisina sa mayor.

Gilakip pod sa pagpasaka og kaso sila si Raymund Paul Taboada, ang Executive Assistant sa kanhi mayor nga maoy nagdumala sa pagpaguba sa opisina; Ronaldo Malacora, ang hepe sa General Services Office nga maoy mipagawas og sertipikasyon nga iya sa kanhi mayor ang mga butang nga gikuha gikan sa opisina sa mayor; Anna Ruby King; Cindy Montermoso; Jimpaul Saavedra; ug Valentino Ontong Jr. Kinsa nanguyog sa demolisyon.

Apil pod sa gipasakaan og kaso ang mga guwardiya nga sila si Joebert Gio, Benjie Dolino, Edgardo Ong ug Lance Samuel Co pulos mga sakop sa Proteger Security Agency nga maoy nag duty dihang giguba ang opisina sa mayor.

Kasong kriminal ug administratiba ang gipasaka batok ni Osmeña ug mga kaubanan tungod sa paglapas niini sa Section 3 (e) sa R.A. No. 3019 o Anti-Graft and Corrupt Practices Act, Article 4 (d) sa R.A. No. 6713 o Code of Conduct ug Ethical Standard, pagpangawat, pagpangguba, grave misconduct, grave neglect of duty, Conduct unbecoming of a public official ug conduct prejudicial to the best interest of the service.

Sa mayor pa si Osmeña gipasakaan siya og daghang kaso sa hukmanan, sa Ombudsman ug sa buhatan sa Presidente sa nasud sa Pilipinas apan bisan pa man sa kadaghan sa kasong iyang giatubang wala gayoy usa ang nakadulot niini kaniya.

Tan-awon natong katag niining laing kaso nga gipasaka kaniya kun makadulot na ba.

KATAG
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with