Nganong napilde?
RENBOR PATROL - Rene U. Borromeo (Banat) - May 16, 2019 - 12:00am

Daghan ang posibleng rason ngano nga napilde si Mayor Tomas Osmeña sa iyang challenger nga si Vice Mayor Edgardo Labella. Si Labella giproklamar na sa Comelec nga maoy bag-ong mayor sa dakbayan sa Sugbo sugod sa Hunyo 30.

Ang panagkontra nila ni Koronel Royina Garma (Direktor sa Cebu City Police Office) usa gyud sa dako kaayong hinungdan nga napilde si Osmeña. Gipabantayan ni Garma sa kapolisan ang kabalayan sa mga sinaligan ni Osmeña, ug bisan na gani ang balay sa mayor. Sa laktod, wala makalihok ang iyang mga sinaligan aron pagkumbinser og dugang dumadapig. Didto sa bukid, daghang checkpoint sa kapolisan ang gihimo ug nakapahadlok kini kaayo sa mga dumadapig sa mayor. Nagtuo pa gani si Osmeña nga mga polis ang mirakrak sa kabalayan sa iyang mga supporters.

Ikaduha, wala na magpa-interview si Osmeña sa mga reporters ug nagsalig ra siya sa Facebook. Dunay mga isyu batok kaniya nga dili siya makatubag kay dili man motubag kon tawgon. Kon siya maoy dunay tuyo sa media, anha pa nga magpatawag siya’g presscon.

Tan-aw nako, kon ayuhon lang pagdumala ni Labella ang siyudad atol sa iyang termino, dili na gyud makabalik pa si Osmeña pagka mayor kay ang katawhan makat-on na man sa pagmahal ni Labella.

* * *

Sa Mandaue City, nahurot ang akong pagdayeg sa grupo ni Kongresista Jonas Cortes nga wala g’yuy bisan usa sa ilang mga kaatbang nga gipadaog, apil na si Mayor Luigi Quisumbing.

Tiaw mo, gawas ni Cortes nga mipilde ni Quisumbing, daug usab ang bise mayor ni Jonas Cortes, ang kongresista, duha ka Provincial Board member ug ang tanang konsehal. Wala gyud ko magtuo nga ingon niini kalig-on ang ilang grupo ngadto sa mga botante.

Si Jonas Cortes hinuon, dugay ra ko nga nahibawo nga lig-on kaayo siya ug dili magsilbi si Quisumbing kay may mga tigpaniid man ko diha sa Mandaue City.

Daghan ang wala makagusto ni Quisumbing kay nahimo siya nga kongresista sa dugay’ng panahon, apan wala makapahimo nga “lone district” sa Mandaue.

Si Jonas Cortes maoy nakahimo og balaod nga gipirmahan ni Presidente Duterte nga nagbuwag sa Mandaue City gikan sa 6th congressional district, ingon man ang balaod nga nagpadako sa Eversley Child Sanitarium Hospital gikan sa 50-bed capacity ngadto na sa 300-bed capacity.

Nakadungog ko sa radyo sa diskurso ni Jonas Cortes nga nagbatbat sa iyang mga maayong programa kon mobalik na siya paglingkod isip mayor sa Mandaue. Usa niini mao ang pakigsuod sa mga investors nga mobutang sila og daghang mga negosyo sa siyudad, dili kay awayon ang mga negosyante aron molayas na hinoon.

NAPILDE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with