^

Banat Opinyon

EDITORYAL - To serve and protect

Edwin Ian Melecio - Banat
EDITORYAL - To serve and protect

Dunay mga nahimuot ug dunay wala, niining panagsungi nilang Cebu City Mayor Tomas Osmeña ug Cebu City Police Office director Police Colonel Royima Garma.

Nahimuot tungod kay karon pa nahitabo nga adunay hepe sa kapolisan sa dakbayan nga nakaako pagsungag sa mayor sa dakbayan sa pagkatawo ni Osmeña. Ang wala mahimuot siguradong dumadapig sa mayor.

Samtang tinuod ang duha adunay mga personal ug propesyonal nga interes ug rason kun nganong dili sila magkasinabot, dili unta kini makaapektar sa ilang pagserbisyo sa mga Sugboanon.

Niining bag-o lamang, may pasangil batok sa mga gidudahang polis sa Talamban Police Station nga nanakop ug nangulata didto sa Barangay Carreta. Dili hurisdiksyon sa maong police station ang Carreta, mao nga ang ilang hepe didto kusganong mihimakak sa mga gipasangil.

Giangkon nila nga may dinakpan sila tungod sa kaso sa ilegal nga drugas, apan didto kini nahitabo Talamban area nga sakop sa ilang hurisdiksyon. Ug kini maoy nakasuwat sa ilang police blotter.

Apan lisud kaayo tuohan ang hitabo kay ang tawong giingong naa sa nag-viral video sa social media nga gikulata ug gidakop taga Carreta kadto ug giingong didto gyud nahitabo ang pagdakop sa balay niini.

Gawas pa, aduna pay mga alegasyon nga hasta bata gidapatan sa maong mga armadong tawo nga gidudahang mga polis. Kun dili man mokooperar  sa Commission on Human Rights ang hepe sa Talamban Police Station, way laing kadangpan ang katawhan pagpangita og tubag kondili kang Garma na lamang.

Polis man o dili ang maong mga armadong tawo, ug kay may pasangil man nga mga polis sila, si Garma ra gyud ang gipaabot nga moaksyon. Dako ang pagsalig sa mga Sugboanon nga dili duphan ni Garma ang mga sakop kun naglambigit kini sa binuang. 

“To serve and protect” mao kanay motto sa PNP. Unta, hinumdoman ni Garma nga mas daghang tarong nga polis itandi sa mga scalawags nga walay luna sa ilang organisasyon.

PROTECT

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with