^

Banat Opinyon

EDITORYAL - Pamintaha sa mga kandidato

Edwin Ian Melecio - Banat
EDITORYAL - Pamintaha sa mga kandidato

Angay gyud karong magmatngon ug magmabinantayon ang katawhan batok niining mga incumbent officials nga nikandidato karong umaabot nga eleksyon nga migamit sa sakyanan sa gobiyerno sa ilang pangampanya.

Sagad sa mga naghimo niini mao ang mga kasamtangang naa sa administrasyon tungod kay naa kanila ang kontrol niining mga gamit sa gobiyerno.

Matawag kini nga usa ka matang sa kurapsyon tungod gidili man kini sa Omnibus Election Code.

Kaning mga opisyales nga naghimo niini nagpakita lang nga sila dili kasaligan sa katawhan bisan pa man tuod og dili sila direktang maoy nagsugo nga ipagamit kining maong mga sakyanan ug kahimanan sa publiko.

Matawag kini nga pamintaha ngadto sa ilang mga kaatbang kay nagsalig sila nga naa sila sa gahom ug daw gibalewala lamang ang balaod.

Ang nakabati niini, dili na ni sila mga bagito pa sa piniliay kay makadaghan naman silang nagbalik-balik gani pagkandidato mao nga imposible nga inosente sila sa maong patakaran.

Pinaagi pa lamang niini, kun tarong ang botante dili na mobotar og ingon niini nga klase sa mga kandidato.

Ang mga opisyales unta sa Comelec dili nalang magpaabot pa sa kaatbang sa mga politikong nakalapas sa mga lagda atol sa pangampanya nga maoy moreklamo.

Kun klaro nang daan nga nakalapas sila sa patakaran, sila na unta mismo maoy mohimo og aksyon. Mao kini ang kuwang sa Comelec, tungod sa posibilidad nga pasanginlan silang dunay gilabanan.

Kun dili sila, kinsa man diay maoy angay mo-aksyon gawas sa mga kaatbang.  Klaro na baya gyud ang uban nga nagbuhat gyud og lapas sa mga lagda apan kay way nireklamo, wala lang sab aksyon batok sa ilang gihimo.

Kini maoy resipe para ang mga botante magpakawala nalang say pakabana sa mga paglapas nga gihimo diha mismo sa ilang atubangan.

OMNIBUS ELECTION CODE

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with