Tabang sa mga asawa
AMBOT LANG - Gerry Auxilio (Banat) - March 12, 2019 - 12:00am

Gipalabang sa ubos Balay Balauranan ang House Bill No. 8875 nga nagtinguha sa paghatag og binuwan nga tabang financial sa mga asawa.

Ang balaudnon nga gipangamahanan ni Albay Congressman Joey Salceda nag-ila sa papel sa mga asawa sa tibuok adlaw niini nga pag-atiman o pag-alima sa ilang mga bana ug mga anak ug ang epekto niini sa ekonomiya.

Ubos sa balaudnon hatagan og tag duha ka libo ka pesos (P2,000.00) ang asawa nga adunay usa ka anak nga nag edad og dose anyos (12) paubos ug kadtong makonsiderar nga kabahin sa pinakakabus sa nasud.

Ubos gihapon sa maong balaud ang Department of Social Welfare and Development (DSWD) ang moila kinsa ang angayan nga makapahimulos sa ayuda nga ihatag sa gobiyerno.

Ang balaudnon naggahin og P35 bilyones nga Social Protection Assistance Program diin ang P32 bilyones niini ang alang sa mga asawa nga kasado ug ang P3 bilyones niini alang sa mga dili kasado ug mga biyuda.

Ang House Bill No. 8875 nakaung-ong pa karon sa House Committee on Women and Gender Equality sa ubos bay balauranan.

Atol kaayo ang paggawas niining maong balita kay giobserbar karon ang buwan sa kababayen-an. Ang ako lang pangutana, makalusot kaha ning maong balaudnon sa level pa lamang sa komitiba?

Giingon sa balaudnon nga ang hatagan og binuwan nga tabang financial mao ang mga asawa nga nag-atiman ug nag-amuma sa ilang mga bana ug mga anak.

Ang akong pangutana, apilon ba sa paghatag ang mga asawa nga wala mag-atiman sa ilang mga bana ug mga anak?

Kun pananglitan ang asawa adunay tulo ka mga anak, ang kamaguwangan 12 anyos, ang ikaduha 10 anyos ug ang ikatulo 8 anyos, duha ka libo lang ba gihapon ang iyang madawat nga tabang financial matag buwan o balig unom ka libo ka pesos na?

Mas maayong hawanan sa amahan niining maong balaudnon ang atong mga kalibog pinaagi sa iyang mga pagpasabot.

BALAY BALAURANAN
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with