Sayop ang spelling sa apelyido sa birth certificate

Dear Atty. Divine,

Ang surname sa akong bana  nasayop ang spelling sa iyang birth certificate sa NSO kay ang  “o” nahimong “a”, apan sa iyang  birth certificate sa Local Civil Registrar sakto man, unsay angay niyang buhaton aron makurihian ang iyang spelling sa apelyido ? Didto ra ba siya sa Tarlac natawo. Daghang salamat.—Jane

Dear Jane,

Kun naa siyay copy sa iyang birth certificate gikan sa local civil registrar nga sakto ang iyang spelling mas maayo nga iya kining dad-on lakip na ang iyang NSO copy ug iyang ikonsulta sa NSO sa dapit nga  inyo karong gipuy-an aron ilang ma double check sa ilang records. Apan kun sayup gyud ang spelling niini sa ilang records then inyo nalang gyud nga pakurihian pinaagi sa pag-file og Petition ngadto sa Local Civil Registrar diin mo nagpuyo kay ang Local Civil Registrar mao nay mo-forward niana ngadto sa Tarlac Civil Registrar. Dunay listahan ang Civil Registrar sa mga documents nga dapat nimong i-submit uban sa imong Petition for Correction of Spelling sa iyang surname. Thanks and God bless.—    Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.