Mga benepisyo sa cabbage juice (1)
HIMSOG NGA KARAYURAN - Pons Abatayo (Banat) - January 3, 2019 - 12:00am

Kon buot kita nga mohimsog ang panglawas, panahon na karon nga atong tutokan ang mga pagkaong makahatag sa mga gikinahanglang sustansya o mga nutrens sa lawas.

Daghan tag mapilian nga konsumohon, usa na niini ang mga utanon.

Nadiskubrehan ang mga utanon sama sa repolyo nga maayo kini nga lab-as  andamon o konsumohon isip ‘cabbage juice.’ Kay unsa diay ang mga benepisyo nga mahatag niini sa lawas, aron kita mohimsog?

* Ang nutrisyon ini – Nagbaton kini og dasok sa mga nutrens ug ubos ang kaloriya. Pinaagi sa pag-inom og usa ka baso sa cabbage juice, masuplayan na ang lawas og mga vitamin C, A, E, K, U, B6, folate acid, manganese ug glucosinalates.

Ug dugang ini, nagbaton sab nig dasok sa calcium, iron, potassium, phosphorous, magnesium ug thiamin. Mga minerales kini nga pulos importante sa prodaksyon sa mga hormones, pagpagpalig-on sa bukog, paus-os sa hayblad presyur ug pagkontrol sa pinitk sa kasingkasing.

* Ang antioxidant ini –Nagbaton sab nig dasok sa antioxidants, nga dunay abilidad sa pag-ayo sa mga prolema sa panit (skin ulcer) ug sa tiyan (peptic o gastric ulcer). Apil na ang pagdetoks sa lawas gumikan sa toksik kemikals, sama sa estrogen nga naghinubrang  nagpondo sa lawas.

* Kolesterol – Ang cabbage juice, daku sab nig kapuslanan sa pagpaus-os sa kolesterol sa normal nga level, labi na maoy konsumohon kadtong klase sa repolyo nga pula o tapol (purple red cabbage). Mas dasok kini sa omega 3 fatty acids, nga epektibo kaayo para mamintin ang normal nga kolesterol.

Mas maayo sab ang repolyo nga gamiton kanang organic produce nga dili kontaminado sa mga kemikals nga hinimo sa laboratoryo.

 

CABBAGE JUICE
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with