EDITORYAL - Abundang Bag-ong Tuig sa tanan!
(Banat) - January 1, 2019 - 12:00am

Abundang Bag-ong Tuig sa tanan!

Malipayong Bag-ong Tuig sa tanan! Mao kini ang haom nga mga pulong sa pagsugat sa tuig 2019. Bag-ong tuig, bag-ong hagit sa kinabuhi sa mga tawo ilabi na sa mga Pilipino.

Sa miaging 2018 daghang mga wala matiwas nga ginbuhaton ang administrasyong Duterte ug gipaabot nga ilaha kining paninguhaong mahuman karong tuiga.

Usa na niini ang planong pag-usab sa Konstitusyon sa Pilipinas ug ang nagkamang nga kalamboan bahin sa giduso nga pederalismo ug ang bag-ong Bangsamoro sa Mindanao sa administrasyon.

Bisan tuod nga nanganti na si Duterte nga dili siya mohunong pag-atake sa mga Obispo o pipila ka mga pari sa Simbahang Katoliko, maayo gihapong paabuton kun asa kini mosangpot, mahilot ra ba ang kasungian o dili? Apan malagmit dili.

Laing angay nga atangan ang umaabot nga bugnong lugaynon karong bulan sa Mayo.  Ang kaugmaon sa katawhan mag-agad sa kamaayong laki aning mga politikong nanagan.

Maayo lang unta og nag-mature na ang mga botante ug may dakong epekto ang pagsugod na og botar sa mga millennials.

Sa pikas bahin, pila napud kaha ka mga opisyales sa gobiyerno ang pangsipaon ni Duterte gikan sa pwesto tungod sa mga kahiwian ilabi na sa kurapsyon.

Mas labing maayo nga dili lang unta kutob lang sa taktak, kondili kasohan pud unta sila aron makabawos ang katawhang magbubuhis.

Sa kampanya kontra ilegal nga drugas sa miaging tuig nahimong dugoon. Apan maisip gihapon nga may kalamposan kay daghan ang nangadakpan, minilyon ka pesos nasakmit nga mga drugas ug daghang mga nagpa rehab. Kulbahinam usab ang labok unya sa mga Pilipino sa pagnegosyo ug sa dagan sa ekonomiya sa nasud karong tuiga luyo niining daghang mga krisis dili lang dinhi kondili hasta sa gawas sa nasud.

Mag-ampo lang ang mga Pilipino nga maayo unta para kanato ang tuig sa Baboy nga nagsimbolo og kaabunda.

BAG-ONG TUIG
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with