Ning panahona, maoy atong gisagop ang estilo sa pagpakabuhi nga walay pagtagad sa kaugalingon kun unsay makaayo kay sagad gibase lang sa aktuwal o pamasin.
Tungod kay samtang wala pay gipamati, padayon sa naandan nga pagsalig hangtud niabot ang kondisyon nga nakapangutana ngano ako naingon ini.
Ayaw paabota ang sitwasyon nga manamkon kini’g mga problema nga kita ray ugtason nga mag-antos sa kalisud hangtud mawad-an tag paglaum sa pagkontrol ini. Ang salapi, dili paigo ibayad sa inagulo sa kasakit.
Busa, mintras duna pa kitay higayon nga maresolba pa ang maayong panglawas, palapdan nato ang pakabana sa pagsikaysikay nga makabaton og kahibalo sa pagpahimsog sa kaugalingon.
Sama ning ato ron nga tukion, ang indikasyon o tilimad-on sa aberiya sa parte sa atong lawas. Aduna ni kahulugan nga duna tay sakit nga naglumlom, wala pa lang kaayo masinati kay anaa pa kini sa unang estado nga madala pag agwanta. Kun ingon na ini ang sitwasyon, managsama ra ang mga sintomas nga bation, nga angayan molihok dayon sa pagpakonsulta og doktor.
Sama pananglitan sa mga panakit sa parte sa lawas o sa atong ‘organ’, kuyaw kon dili dayon kini matagad, ilabi na ang kidney, atay ug kasingkasing. Dili gyud lalim nga kini maigo sa problema. Nga kanunay ta nga ma-stress, mabalak-on, kay wa man makaseguro sa atong kondisyon labi nag mosiaw di ta pakatulgon sa sakit.
Sa parte sa kasingkasing, mga eksperto o sa mga ‘chiropractor’, kanang nagpraktis sa komplementaryong medisina sa pagmaniubra sa mga problema sa mga lutahan o bikil sa kaugatan, aduna silay mga paagi sa pagtan-aw sa kondisyon sa imong kasingkasing. Mahinungdanon nga masuhito kita niini sa mga ideya kon unsay himoon, nga sayon ug simple ra kaayo nga buhaton.