Simpleng kinamaayohan nga diyeta (3)

* Mga tam-is nga pagkaon, dili molapas sa lima ka beses sa semana.

Sulayi pagkaon ang mga liso ( seeds ), cereal, beans, unod sa karne ug mga utanon. Kinahanglan nga likayan ang mga ilimnon nga alkoholik ug soda. Dili manabako o manigarilyo, magmeryenda og ginagmay lang, kana kon gibatig kahaw-ang o kagutom.

Menusan ang asin nga sud sa usa ka adlaw kutob lang sa 2-3 ka kutsarita. Kaon kanunay og ‘whole wheat bread’.

Likayi ang pagkaon og pinaasohan nga pagkaon (smoked o grilled foods) sama sa paig o nga sinugba o barbekyu.

Maglikay sab sa linatang isda, labi na dugay na napundo sa bodega kay molubad na ang ‘lead’ niini nga proteksyon sa metal. Ayaw sab paghilig nianang mga pagkaog ginhawaan (internal organ) ug naglas-ay sa katambok ang karne.

Unsa man gayuy angay nga  kaonon sa nag DASH diet ? Magdepende kini sa tumong ug panginahanglan sa kaugalingon.

Kun paus-os sa timbang o makabaton og himsog nga lawas, gikinahanglan ang unang buhaton, mao ang pagkontrol nga kamenusan ang kaloriya o ang gidaghanon sa ‘servings’ sa pagkonsumo kada adlaw. Ania pa ang dugang giya sa ‘DASH diet’.

Sa linung-ag nga bugas (whole grains), pito ka servings lang, lima ka servings sa prutas.

Sa protina, nagkinahanglan kita og  200gm (7 oz), sa organik nga produkto sa bakahan (organic dairy product)  tulo ka servings.

Sa imnonon nga tubig alkalina ( alkaline water ) ug ubang likido (fluid), igo na ang duha ka litro (67 fl oz). Mga beans, liso, mani (nuts) lima ka servings lang ug ang maayong tambok (good fats) gikan sa utanon ug karne, ang tulo ka serve ini igo na sa tibuok adlaw nga panginahanglan sa lawas.